Zero Robotics first competition in Armenia

Հունիսի 8-ից 22-ը,  Շիրակի մարզի Թորոս գյուղում  NASA-ի և MIT-ի  հետ համատեղ իրականացնում է  Zero Robotics երկշաբաթյա կրթական ճամբար։
NASA-ն (National Aeronautics and Space Administration կամ Օդագնացության և տիեզերական տարածության հետազոտությունների ազգային գործակալություն) և MIT-ն (Massachusetts Institute of technology/ Մասաչուսեթսի տեխնոլոգիական համալսարան) համագործակցում են տարբեր ֆորմատներով, որոնցից մեկն է Zero Robotics ծրագիրը: Ծրագրում մասնակցելու համար հայտարարվում է մրցույթ, որին կարող են դիմել MIT-ի հետ այս կամ այն կերպ առնչություն ունեցողները: 

Հայաստանյան YES հասարակական կազմակերպության շրջանավարտներից մեկը՝ (հայերենով՝ Երիտասարդության հզորացում և կայունություն կազմակերպությունը)՝ Մարիամ Ավագյանը, ով այժմ սովորում է ամերիկյան Թրինիտի համալսարանում , վերապատրաստվել է նաև MIT-ում հենց Zero Robotics դասավանդելու համար: Օգտագործելով հենց այս առիթը YES ՀԿ-ն օգտագործեց այս հնարավորություն ծրագիրը առաջին անգամ բերել Հայաստան։

Ամեն տարի NASA-ն կազմակերպում է մրցույթ՝ Zero Robotics անվամբ: Մրցույթը երկու տարիքային խմբերի համար է՝ միջին և ավագ դպրոցականների: MIT-ում ստեղծված տիեզերանավերը, կամ տիեզերքի ռոբոտները, այժմ օգտագործվում են NASA-ի կողմից՝ գիտական հետազոտության նպատակով: Zero Robotics մրցույթում հենց այս տիեզերառոբետներն են օգտագործվելու:  

Zero Robotics-ը մենք կրճատել ենք և անվանում ենք ZeRoRo ծրագիր. Այսպիսով, ZeRoRo-ի մասնակիցները կգրեն կոդ, որը հաջորդ փուլ անցնելուց հետո կուղարկվի NASA՝ դեպի Միջազգային Տիեզերական Կայան (ՄՏԿ): Այնուհետև, կոդը փորձարկվում է տիեզերառոբոտի վրա և մասնակիցները ուղիղ եթերով հետևում են մրցույթին: Սա հնարավորություն է տալիս մասնակիցներին շփվելու աստղագետների հետ և տեսնելու թե ինչ է կատարվում Միջազգային Տիեզերական Կայանում: 

Մասնակիցների առօրյան ավելի հետաքրքիր դարձնելու համար յուրաքանչյուր օր երեխաները կունենան հյուր խոսնակներ, ովքեր տարբեր թեմաներ կքննարկեն և կներկայացնեն: Ճամբարային օրակարգը այնպես է  կազմված, որ երեխաները և կոդավուրում սովորեն, և բարձրանա իրենց գիտելիների ընդհանուր մակարդակը, և իհարկե հետաքրքիր ժամանց անց անկացնեն: 

Ծրագրի երկու շաբաթների ընթացքում նախատեսում է ճանաչողական այց Բյուրականի աստղադիտարան, ինչպես նաև տեխնոպարկեր՝ կլինի Թումոն թե Դեբետի Smart կենտրոնը: Բացի այս ամենը մասնակիցները հնարավորույթուն կունենան շփվելու միմյանց հետ, իրար ճանաչելու և ինչու ոչ՝ ընկերանալու: 

ZeRoRo-ի շրջանակում համագործակցում ենք նաև Վորլդ Վիժն Հայաստան ՄԲԿ կազմակերպության հետ, հետ, քանի որ կազմակերպությունը  Հայաստանի 6 մարզերում ունի ռոբոտաշինության ակումբներ և այս ծրագիրը փոխադարձ հետաքրքրություն է առաջացնում: